Este blog pertence ao Equipo de Dinamización da Lingua Galega do CEIP Plurilingüe Novo Mesoiro, realizado coa finalidade de fomentar a cultura galega así como o emprego da lingua galega.
Boas mesoiriños e mesoiriñas!!!
Para celebrar este Nadal tan especial, o alumnado de 3°, 4°, 5° e 6° de educación primaria do CEIP Novo Mesoiro participou nun divertido Kahoot de Nadal.
A rapazada desfrutou ao máximo a través dunha gran variedade de xogos. Os diferentes equipos responderon a corenta cuestións relacionadas co Nadal. E finalmente, ao remate do xogo, recibiron uns agasallos de parte do Apalpador para cada grupo aula.
Ola mesoiriños e mesoiriñas!!🛖🪵🌄⛰️
Hoxe estamos moi ledos de poder celebrar estes días de Nadal no Ceip Novo Mesoiro cunha figura galega que vén desde os montes do Courel: O Apalpador.
O Apalpador visitou ao alumnado de Educación Infantil e 1° e 2° de Educación Primaria. A rapazada puido entregarlle unha carta pedindo os seus máis especiais desexos. O Apalador contoulles a súa historia e levou a cabo unha entrega de agasallos a cada grupo aula.
Bo día mesoiriños e mesoiriñas!!!😲😲🎵🎶🎼
Onte a biblioteca do CEIP Novo Mesoiro cenvertiuse nun estudio de gravación, coa colaboración de Silvia Penide e a Asociación West Galicia. Todos xuntos, tanto algúns dos rapaces e rapazas con dito síndrome, todo o alumnado do centro e docentes, saímos a cantar aos corredores da escola a canción de Silvia Penide, Diferentes Diferenzas, mentres a cantautora e a súa guitarra paseaba cantando xunto a todos/as nós.
Aquí tendes a partitura adaptada ao alumnado con NEAE con pistogramas ARASAAC:
A continuación, podedes ver a noticia publicada polo xornal A Voz de Galicia:
Este proxecto partiu do libro Diferentes Diferenzas, que presenta a diferencia como un elemento enriquecedor, divertido e dinamizador. Os protagonistas son diversos e diferentes e amósan as suas características particulares para gozar dunha vida plena e chea de amizades e aventuras. Presenta a un elefante de tres patas, un moucho de catro ollo, unha tartaruga sen cuncha ou un libro sen cuberta, entreoutros.
Bo día mesoiriños e mesoiriñas!!!!
Hoxe, mércoles 7 de decembro, foi un día moi especial para ao CEIP Plurilingüe Novo Mesoiro porque tras dous anos sen poder visitar aos nosos maiores, por fin deuse a tan esperada xuntanza!
Desde o Equipo de Dinamización da Lingua Galega (EDLG) a emoción é máxima xa que esta actividade propuxémola nós para fomentar o uso da lingua galega. E o resultado foi todo un éxito!
Así pois, o alumnado de 5° de educación infantil visitou a Residencia de mayores Domusvi La Ciudad, situada nun lugar privilexiado como é a zona vella da cidade da Coruña. E o alumnado de 6° de educación infantil visitou a Residencia de mayores Domusvi Matogrande que está nun barrio veciño ao de Mesoiro.
Antes de presentarvos os detalles queriamos agradecer ás dúas residencias todas as facilidades ofrecidas, a boa organización e o desexo de continuar as colaboracións desenvolvidas ate o de agora. Podedes premer aquí para ver as actividades levadas a cabo o curso pasado.
A Residencia Domusvi La Ciudad, sorprendeu á rapazada coa visita do Apalpador que lles puxo un vídeo narrando a súa historia e deulles un pequeno agasallo polo Nadal. Todo isto acompañados/as da maioría dos residentes que se atopaban entusiasmados pola visita dos pequenos/as. Remataron a visita cantando todos xuntos/as unhas panxoliñas.
Na Residencia Domusvi Matogrande pintaron unhas árbores de Nadal cos residentes e tamén remataron a visita cantando unhas panxoliñas.
O noso profesorado que participou nesta actividade veu moi emocionado e con ganas de repetir a experiencia, tanto polas emocións vividas desde o punto de vista do alumnado como desde o sentimento que amosaban os maiores.
A continuación podedes ver fotos na Residencia Domusvi La Ciudad:
Bo día mesoiriños e mesoiriñas!!!🙉🎤🎶🎵 Xa podedes VER e VOTAR o vídeo en lingua de signos co que nos presentamos no CEIP Plurilingüe No...
