CEIP PLURILINGÜE NOVO MESOIRO: marzo 2023

venres, 31 de marzo de 2023

Obradoiro de xabón "As Lavandeiras"

Ola mesoiriños e mesoiriñas!!!🙂🙂🙂

Hoxe, o alumnado de 5° de educación primaria do CEIP Plurilingüe Novo Mesoiro fixo un obradoiro de xabón. Durante este trimestre, este curso estivo a traballar sobre As Lavandeiras, en relación ao Proxecto de Centro que estamos a desenvolver sobre O Noso Barrio.

Elaboraron xabón, ao que chamaron: Xabón As Lavandeiras, cos seguintes ingredientes: Glicerina, aceites esenciais, colorante alimentario e purpurina. A rapazada levou uns cantos xabóns con diferentes formas nunha bolsiña coa súa etiqueta correspondente.

martes, 21 de marzo de 2023

Día da Árbore 🌳🌼🌿🍀🌷

Ola mesoiriños e mesoiriñas!!🌳🌻🍀🌳🪻🌷🌳🌼🌻

Hoxe, 21 de marzo, desde o CEIP Plurilingüe Novo Mesoiro queremos desexarvos un feliz Día da Árbore.

Para celebralo cada aula plantou unha árbore elixindo un nome e colocoulle unha etiqueta. Esta actividade levouse a cabo en colaboración coa ANPA Montr do Muíño.

xoves, 16 de marzo de 2023

Día mundial da poesía💚💚

Ola mesoiriños e mesoiriñas!!✍️🗣📚

O día 21 de marzo conmemórase o Día mundial da Poesía, e no CEIP Plurilingüe Novo Mesoiro, como proposta para celebralo, quixemos levar a cabo un recitado de poemas ao longo desta semana e a seguinte. Esta actividade denominámola como:

Xoves e Venres Poéticos.

A autora escollida para traballar a súa obra foi Rosalía de Castro. Deste xeito, o alumnado de 3° ata 6° de educación primaria recita un poema nas aula dos máis pequenos. E, pola contra, a rapazada da etapa de educación infantil e 1° e 2° de educación primaria, cantan un poema de dita autora nas aulas dos maiores.

Esta actividade deu comezo hoxe 16 de marzo, e continúa o 17, o 23 e o 24 de marzo.

mércores, 15 de marzo de 2023

Concurso da portada da Revista Escolar

Bo día a todos os mesoiriños e mesoiriñas!!!!✍️😊💪

No CEIP Plurilingüe Novo Mesoiro estamos moi felices por presentar o Concurso da portada da Revista Escolar que inauguramos este curso escolar: A Voz de Mesoriño.

O alumnado poderá facer una debuxo relacionado coa temática do Proxecto de Centro que estamos a traballar este curso: O noso barrio.

A rapazada poderá facer este traballo na casa na compañía das súas familias e escolleremos o máis fermoso e orixinal.

A data de entrega é o 30 de marzo.

mércores, 8 de marzo de 2023

💜💜 8M 💜💜

Feliz 8M mesoiriños e mesoiriñas!!💜💜💜💜

Hoxe, 8 de marzo, no CEIP Plurilingüe Novo Mesoiro celebramos o Día Internacional da Muller. Decoramos a entrada da escola e os corredores con mulleres do século XX do noso barrio, continuando coa temática do proxecto que estamos a traballar este curso escolar: O noso barrio.

Ademais, nas titorías, traballamos unha gran de actividades como marcapáxinas, e búsqueda de información sobre mulleres de certa influencia.

mércores, 1 de marzo de 2023

Verba Temática: Entroido

Bo día mesoiriños e mesoiriñas!!🎊🎊🎊🎊

No CEIP Plurilingüe Novo Mesoiro xa temos seleccionadas as Verbas Temáticas do Entroido deste curso académico 2022-2023. Nelas atopamos palabras tan fermosas como: PELIQUEIRO, CHOCA, ANTEFACE, MECO, FILLOA, ORELLA, CHOQUEIRO, etc.

Para o desenvolvemento desta actividade o alumnado, xunto coa colaboración da súa familia, ten que escoller unha verba nova, distinta e curiosa da nosa lingua galega, e acompañala dunha ilustración, facendo un debuxo na tarxeta correspondente para cada conmemoración. Así pois, atoparemos neste blog a tarxeta seleccionada entre todos o alumnado en cada aula.

A continuación, presentamos as verbas elixidas en cada grupo aula: