Día de Rosalía de Castro 2024

Bo día mesoiriñas e mesoiriños!!

Esta semana, no CEIP Plurilingüe Novo Mesoiro celebramos un dos días máis importantes para todos os galegos e galegas: DÍA DE ROSALÍA DE CASTRO, hoxe, 23 de febreiro.

Conmemoramos o 187 aniversario do nacimiento da autora, que foi o 23 de febreiro de 1837 en Santiago de Compostela.

Rosalía de Castro rompeu moldes no século XIX e pasou á literatura universal salientando o seu carácter valente, a súa actitude transgresora e o seu papel como faro para miles de mulleres.

Atopamos un artigo no xornal La Voz de Galicia onde podedes ler algúns datos curiosos sobre a ilustre autora:

Preme aquí para ver o artigo en La Voz de Galicia

No colexio conmemoramos este día con moita ilusión, decorando a entrada da escola, onde xa temos unha colaxe xigante da autora de xeito permanente. Tamén colocamos un mural colaborativo entre todo o alumnado de educación infantil e primaria. Xunto a este mural colocamos os exemplares cos que conta a biblioteca escolar do centro sobre a autora para que as titorías tiveran acceso a este material e poder utilizalo durante esta semana.

 Ademais, a rapazada decorou as aulas e os corredores, e fixeron diferentes actividades relacionadas coa obra de Rosalía de Castro.

Xunto co Equipo de Biblioteca, organizamos unha xornada de apadriñamento lector con obras de Rosalía, no que o alumnado de 5° e 6° de educación primaria foi ler ás aulas de educación infantil, e estes pequenos/as aproveitaron para cantarlles unha canción sobre Rosalía.

Aquí podedes ver un vídeo co proceso de elaboración do mural de Rosalía de Castro.

III Carreira solidaria pola Paz🏃🕊️

 Bo día mesoiriñas e mesoiriños!🕊️🏃

Hoxe, 30 de xaneiro, no CEIP Plurilingüe Novo Mesoiro conmemoramos o Día Internacional da Paz coa III Carreira solidaria na nosa escola. Todos os cartos recollifos polo noso alumnado irán destinados á ONGD de Mesoiro. Visitounos Lorena, representante da organización, e Cecy, unha rapaza guatemalteca de 20 anos, dunha comunidade indíxena que está  a pasar un mes nun hospital coruñés facendo as prácticas de Enfermería, becada pola ONGD de Mesoiro.

Despois da carreira, Cecy e Lorena fixeron unha presentación antes ao alumnado de 6° de educación primaria para contarle a súa historia. Foi unha experiencia moi emocionante para a rapazada conocer tan cerca unha cultura indíxena.

Día da Paz🕊️

 Feliz Día Internacional da Paz!!!🕊️🕊️🕊️

Hoxe, 30 de xaneiro, celebramos este día tan importante no CEIP Plurilingüe Novo Mesoiro.

Todas as aulas elixiron unha curtametraxe e fixeron un mural. Todos están elaborados con diferentes fotografías dos propios alumnos e alumnas expresando as emocións, sentimientos e valores que les transmiten estes vídeos. 

Así, todos os corredores están decorados polos fermosos murais que tanto lles gustan expoñer as nenas e nenos. 

Preme no seguinte enlace e poderedes ver o día tan especial que vivimos na escola.

Vídeo da Paz

Kahoot de Nadal🔍🎄

 Ola mesoiriñas e mesoiriños!!🎄🔍

No CEIP Plurilingüe Novo Mesoiro, puxemos a proba a astucia do alumnado de 5° e 6° de Educación Primaria, coa realización dun Kahoot de Nadal en lingua galega.

Cada grupo aula tivo que pasar unha serie de probas para poder localizar a chave que abría a caixa final, onde os rapaces/as atopaban a última pista para localizar o regalo do Trasno de Nadal.

Pasárono bárbaramente percorrendo o centro dun lugar a outro tratando de resolver todos  os enigmas!

Desfrutade moito destes días de Nadal, que á volta verémonos con moitas sorpresas máis para fomentar a lingua galega.💚

Visita do Apalpador 2024

 Bo Nadal e feliz Aninovo!!🌲

No CEIP Plurilingüe Novo Mesoiro, o alumnado de Educación Infantil e, 1°, 2° e 3° de Educación Primaria, recibiu a visita do Apalpador. A rapazada toda levou unha carta en galego cos seus mellores desexos para o próximo Aninovo.

Para levar a cabo esta actividade na biblioteca escolar, foi necesaria a colaboración das familias, en concreto dos avós e avoas, así como do ANPA, que elaborou unha cheminea impresionante.

Apadriñamento lector en Nadal 📖🎄

 Bo Nadal mesoiriñas e mesoiriños!!📖🎄

Esta semana de Nadal, no CEIP Plurilingüe Novo Mesoiro, levamos a cabo a actividade de Apadriñamento lector. Deste xeito, o alumnado maior do centro levou a cabo lecturas de Nadal, principalmente en galego, polas aulas dos máis pequenos/as. 

Moitos rapaces/as lectores/as aproveitaron para levar roupa e complementos para chamar a atención dos que lles escoitaban.

Esta actividade sempre é un éxito asegurado, pois encántalles a todos/as, tanto aos maiores como aos pequenos/as.

Residencias de maiores DomusVi

 Bo día mesoiriñas e mesoiriños!!🎄🎄

Os nosos pequenos e pequenas de 6° de Educación Infantil visitaron as residencias de maiores DomusVi Matogrande e DomusVi La Ciudad. 

Desde o EDLG mantemos esta colaboración desde hai dous cursos e esperamos que continúe moitos máis.

Os residentes tiñan preparadas unhas actividades como: o xogo dos birlos, cantaron todos/as xuntos/as panxoliñas e unha gran merenda.