Ola a todos/as!
Neste post imos presentar unha actividade nova, soprendente e que causou sensación entre os rapaces/as. Desde o equipo de dinamización da bliblioteca e de dinamización da lingua galega quixemos presentar unha actividade totalmente innovadora: SCAPE ROOM.
Esta actividade levouse a cabo da man de Paco, mestre titor de 5º B. Hai que salientar a súa creatividade, capacidade de invención e inxenio, e motivación cara o traballo que fan que todos/as queramos traballar ao seu carón.
O Scape Room está dirixido ao alumnado de 3º, 4º, 5º e 6º de educación primaria. Para os que non coñezades en que consiste un scape room, trátase dunha habitación ou local no que se encerra a un grupo de aventureiros/as e investigadores/as co obxectivo de conseguir escapar da mesma.
Tendo en conta esta idea, cada clase foi a aula de informática onde xa estaba preparado todo o material para investigar e tratar de resolver todos os enigmas.
A temática era sobre o Apalpador e atopábanse actividades de pensamento lóxico a través de quebracabezas, xoquetes de construción, etc., todo cun tempo establecido. Finalmente, había que atopar a clave que abría o candado da
caixa que contiña o enigma final e poder así conseguir uns agasallos para a aula.
En definitiva, foi unha experiencia única, irrepetible e moi divertida.
Ningún comentario:
Publicar un comentario