CEIP PLURILINGÜE NOVO MESOIRO

martes, 31 de outubro de 2023

Magosto e Samaín💀☠️

Bo día mesoiriñas e mesoiriños!!!

Hoxe no CEIP Plurilingüe Novo Mesoiro é o día máis terrorífico de todo o curso!!!Hoxe estamos a conmemorar o Samaín e o Magosto.

A rapazada e o profesorado disfrazáronse do xeito máis espantoso e arrepiante, así como sobre a temática do Magosto.

O alumnado desfrutou dunha terrorífica xornada de xogos levados a cabo no ximnasio e no patio da escola, moitos deles con castañas.

Organizouse unha merenda no patio cubierto de todo o alumnado do centro, e moitos nenos e nenas trouxeron merendas terroríficas.

Ademais de decorar a entrada da escola, os rapaces decoraron os corredores, as aulas e as portas das clases dun xeito escalofriante.

Moitos dos nenos e nenas expuxeron a súa cabaza máis terrorífica, elaborada na casa coa colaboración das súas familias, decorando así os corredores da escola.

Ao longo do día, o alumnado foi visitando a Casa dos Arrepíos, onde todos puiderondesfrutar dun relato escalofriante.

luns, 30 de outubro de 2023

Ánimas, espectros e fantasmas

Felices e terroríficos días de Samaín, queridas mesoiriñas e mesoiriños!!!!!!☠️💀👻💀👻☠️

Como saberedes, O Samaín considérase un momento limial no que é máis sinxelo cruzar a fronteira entre o mundo dos vivos e o dos mortos.

Hoxe, no CEIP Plurilingüe Novo Mesoiro comezamos a ter as primeras visitas pois atopamos un rapaz e unha rapaza fantasmas na entrada da escola. Estes bisbáronnos que durante a xornada escolar de hoxe habería máis visitas polas aulas de diversas ánimas, espectros e fantasmas.

Así pois, a última hora comezamos a escoitar uns ruidos polos corredores anunciando a visita de tres fantasmas que pasaron por todas as aulas, deixándose ver por todo o alumnado.

Para levar a cabo esta actividade contamos coa doazón de material arrepiante do Voluntariado Social Fonseca. Desde aquí aproveitamos para darlles a grazas e transmitirlles que o estamos a desfrutar do xeito máis terroríficoooooo!!!☠️💀☠️💀

luns, 23 de outubro de 2023

Samaín 2023 ☠️💀

Ola mesoiriñss e mesoiriños!!!!💀☠️💀☠️💀

Desde o EDLG do CEIP Plurilingüe Novo Mesoiro estamos ilusionadísmos pois estamos organizando unha das conmemoracións preferidas pola rapazada: O SAMAÍN. Entre todos os equipos do centro temos organizadas un lote de actividades coas que estamos seguros de que vos imos sorprender. Estade atentos que vos iremos informando!

Comezamos a semana coa decoración da entrada da escola máis terrorífica xamáis vista! Podedes visitar a nosa exposición cunha gran variedade material arrepiante doado polo VOLUNTARIADO SOCIAL FONSECA da Coruña. Esta é unha colaboración moi especial para o noso centro pois temos programadas máis colaboracións con eles.

Tamén fixemos un recanto na entrada cunha selección de recomendaciòns lectoras de terror para que todas as aulas poidan desfrutar destas lecturas.

xoves, 13 de xullo de 2023

Exposición viaxeira

Ola mesoiriñas e mesoiriños!!🎶🎺🪇🥁🪘🪇

Outro ano máis, no CEIP Plurilingüe Novo Mesoiro, quixemos compartir a exposición de Roupaxes e intrumentos galegos cos nosos maiores, en concreto coa Residencia de maiorea Domusvi La Ciudad.

Tras montar todas as cousiñas puidemos falar con algúns das/dos residentes, que comentaban que ía tempo que non vían moitos dos instrumentos e prendas de roupa e complementos. Daba gusto velos desfrutar como se do seu fogar se tratara.

xoves, 15 de xuño de 2023

REVISTA ESCOLAR 2022-2023

Ola mesoiriños e mesoiriñas!!!

Hoxe é un día moi especial porque, posiblemente sexa a publicación máis importante deste curso escolar 2022-2023 no CEIP Plurilingüe Novo Mesoiro. Desde o EDLG sentímonos orgullosos/as e ilusionados/as co traballo desenvolvido por todo o alumnado e todo o profesorado.

Presentámosvos a primeira edición da

REVISTA ESCOLAR:

Verba Temática: Letras Galegas

Bo día mesoiriños e mesoiriñas!!

No CEIP Plurilingüe Novo Mesoiro xa temos seleccionadas as Verbas Temáticas das Letras Galegas deste curso académico 2022-2023. Poderedes atopar palabras tan fermosas como: GALICIA INFINDA, LEBRANZA, FALDRIQUEIRA, XUME, PANEXÍLICO, LOAR,LINGUA, LOURENZÁ, etc.

Para o desenvolvemento desta actividade o alumnado, xunto coa colaboración da súa familia, ten que escoller unha verba nova, distinta e curiosa da nosa lingua galega, e acompañala dunha ilustración, facendo un debuxo na tarxeta correspondente para cada conmemoración. Así pois, atoparemos neste blog a tarxeta seleccionada entre todos o alumnado en cada aula.

A continuación, presentamos as verbas elixidas en cada grupo aula: