Exposición de roupaxe e intrumentos tradicionais galegos

Bo día,  mesoiriños e mesoiriñas!!! 💜🩵💙💚

Queremos conmemorar o Día das Letras Galegas (17 de maio) coa presentación dunha marabillosa exposición de Roupaxe e intrumentos tradicionais galegos. Atoparédela na entrada do noso colexio Ceip Plurilingüe Novo Mesoiro. Cada cousiña está etiquetada co seu nome identificativo en lingua galega. 

Para levala a cabo contamos coa colaboración da Residencia de Maiores DomusVi La Ciudad, a escola de música do noso barrio de Mesoiro Música Maestro!, a Asociación de País e Nais do centro e o claustro de profesores/as do CEIP Plurilingüe  Novo Mesoiro, a Asociación de Música e Danza Queiroa e a mercería La manzana de Eva, que nos prestou os maniquís.

Podemos atopar instrumentos tan espectaculares da nosa tradición galega como o acordeón, diferentes tipos de pandeiretas, pandeiros, maracas, ocarina, carrizo, xoanllas, saxofón, clarinete, ... 

Tamén podemos atopar dous maniquís con prendas de roupa rexional de muller e tamén de faena de home, así como un traxe rexional de rapaza: saia, mantelo, mandil, dengue, zocos...

Libro de refráns

 Ola mesoiriños e mesoiriñas!!!

Esta é a semana máis especial do curso para o Equipo de Dinamización da Lingua Galega  (EDLG) do CEIP Plurilingüe Novo Mesoiro xa que estamos a conmemorar o Día das Letras Galegas (17 de maio). Temos preparadas moitísimas sorpresas que poderedes ver ao longo da semana.

Hoxe comenzamos presentando un Libro de refráns das estacións e os meses do ano elaborado por todo o alumnado do centro. Por unha banda, a rapazada de educación infantil elaborou un refrán por cada estación do ano, mentres que o alumnado de educación primaria fixo un para cada mes do ano.

Este libro está exposto na biblioteca da escola xunto con outros libros en galego elaborados polo alumnado.

Concurso FAXPG: VOTÁDENOS!!!

 Ola mesoiriños e mesoiriñas!!!🥰🥰🥰

Xa esta aquí o vídeo de Diferentes Diferenzas de Silvia Penide co que participamos o CEIP Plurilingüe Novo Mesoiro no VI Concurso Cantamos coas mans organizado pola Federación de Asociacións de Persoas Xordas de Galicia.

Tendes de prazo desde o 21 ao 27 de abril ás 12:00h.

PREME AQUÍ PARA VOTAR

PREME AQUÍ PARA VER O VÍDEO

Obradoiro de xabón "As Lavandeiras"

 Ola mesoiriños e mesoiriñas!!!🙂🙂🙂

Hoxe, o alumnado de 5° de educación primaria do CEIP Plurilingüe Novo Mesoiro fixo un obradoiro de xabón. Durante este trimestre, este curso estivo a traballar sobre As Lavandeiras, en relación ao Proxecto de Centro que estamos a desenvolver sobre O Noso Barrio.

Elaboraron xabón, ao que chamaron: Xabón As Lavandeiras, cos seguintes ingredientes: Glicerina, aceites esenciais, colorante alimentario e purpurina. A rapazada levou uns cantos xabóns con diferentes formas nunha bolsiña coa súa etiqueta correspondente.

 

Día da Árbore 🌳🌼🌿🍀🌷

 Ola mesoiriños e mesoiriñas!!🌳🌻🍀🌳🪻🌷🌳🌼🌻

Hoxe, 21 de marzo, desde o CEIP Plurilingüe Novo Mesoiro queremos desexarvos un feliz Día da Árbore.

Para celebralo cada aula plantou unha árbore elixindo un nome e colocoulle unha etiqueta. Esta actividade levouse a cabo en colaboración coa ANPA Montr do Muíño.

 

Día mundial da poesía💚💚

 Ola mesoiriños e mesoiriñas!!✍️🗣📚

O día 21 de marzo conmemórase o Día mundial da Poesía, e no CEIP Plurilingüe Novo Mesoiro, como proposta para celebralo, quixemos levar a cabo un recitado de poemas ao longo desta semana e a seguinte. Esta actividade denominámola como:

Xoves e Venres Poéticos.

A autora escollida para traballar a súa obra foi Rosalía de Castro. Deste xeito, o alumnado de 3° ata 6° de educación primaria recita un poema nas aula dos máis pequenos. E, pola contra, a rapazada da etapa de educación infantil e 1° e 2° de educación primaria, cantan un poema de dita autora nas aulas dos maiores.

Esta actividade deu comezo hoxe 16 de marzo, e continúa o 17, o 23 e o 24 de marzo.

Concurso da portada da Revista Escolar

 Bo día a todos os mesoiriños e mesoiriñas!!!!✍️😊💪

No CEIP Plurilingüe Novo Mesoiro estamos moi felices por presentar o Concurso da portada da Revista Escolar que inauguramos este curso escolar: A Voz de Mesoriño.

O alumnado poderá facer una debuxo relacionado coa temática do Proxecto de Centro que estamos a traballar este curso: O noso barrio.

A rapazada poderá facer este traballo na casa na compañía das súas familias e escolleremos o máis fermoso e orixinal.

A data de entrega é o 30 de marzo.